Comercio, Transporte e Turismo: Dinámicas Económicas e Impacto

Vantaxes e Inconvenientes da Compra Online

• Vantaxes: Non hai horarios nin desprazamentos, ampla oferta de produtos e facilidade para comparar prezos, maior mercado e máis marxe de beneficio.
• Desvantaxes: Non hai contacto físico co produto, menor seguridade no pagamento, maior competencia para as empresas, risco de desaparición de tendas físicas.

Liderado do Sector Terciario nas Economías

Un sector á alza

O crecemento do sector terciario ofrece servizos en lugar de bens materiais. Este sector está medrando en case todas as economías do mundo, sobre todo nos países desenvolvidos.

Servizos públicos e privados

• Servizos públicos: Finánciaos o Estado co diñeiro dos impostos. A súa finalidade é organizar o funcionamento da sociedade e satisfacer as necesidades básicas.
• Servizos privados: Facilítanos as empresas privadas e os traballadores autónomos.

Organización do Comercio Mundial

A OMC e os bloques comerciais rexionais

O comercio mundial está regulado por acordos que se establecen entre os países no seo da OMC (Organización Mundial do Comercio), creada en 1995. O obxectivo da OMC é facilitar o comercio internacional, eliminando barreiras, como a redución de aranceis. Hai países que se unen formando bloques comerciais para obter beneficios entre eles. Hai dous tipos:

• Área de libre comercio: Entre os países do mesmo bloque están exentos de pagar taxas aduaneiras.
• Unión aduaneira: Área de libre comercio onde se eliminan os aranceis entre os estados membros e se establece unha política aduaneira para países non membros.

Os Transportes

É un servizo fundamental porque permite o traslado de persoas e mercancías. Este servizo require dous tipos: Medios de transporte (vehículos: coche, barco, avión…) e infraestruturas de transporte (estradas, portos, aeroportos…).

As redes de transporte

As redes de transporte conectan os principais puntos dun territorio, favorecendo a economía e a mobilidade. Nos países desenvolvidos son densas e estruturadas, mentres que nos en desenvolvemento adoitan ser menos estruturadas.

Factores que inflúen no trazado da rede de transporte

• Factores naturais: Hai factores naturais que poden dificultar a construción (montañas, ríos, mares…).
• Factores humanos: A distribución da poboación, a actividade económica e as relacións con outros territorios e países, condicionan o trazado de redes.
• Factores históricos: Hai acontecementos históricos que impulsaron a construción de redes de transporte. Por exemplo, en Europa coa Revolución Industrial.

Transporte Aéreo

Crecemento do transporte aéreo

O transporte aéreo medrou moito desde a Segunda Guerra Mundial e é a clave na globalización. Hoxe, o avión é o principal medio para viaxes longas. Desde os anos 90, as compañías de baixo custo fixeron máis accesible voar. A pandemia provocou unha forte caída do sector.

Problemas do sector

O avión é un medio de transporte rápido, seguro e cómodo. O turismo é o principal motivo de uso.

Problemas: Ten unha limitada capacidade de transporte, alta contaminación atmosférica e acústica, tecnoloxías e instalacións moi caras, e tempos de espera nos aeroportos.

Comercio e Transporte en España

Importancia do comercio na economía

O crecemento do PIB español vai moi ligado ao comercio.

O comercio interior

É un dos sectores que máis traballo e riqueza xera. A comezos da década, máis do 21% das empresas españolas incluíanse no sector comercial. O comercio electrónico medrou moito grazas á pandemia.

O comercio exterior

España aumentou a súa participación no comercio mundial. As exportacións aumentaron no 2019, pero en 2020 baixaron pola pandemia.

Como é a Rede de Transporte Española

A rede terrestre tiña unha configuración radial centrada en Madrid. Agora está a desenvolverse con máis estradas para mellorar a conexión entre cidades.

A rede ferroviaria está a modernizarse coa alta velocidade e a conexión con redes europeas.

O transporte marítimo é moi relevante.

O transporte aéreo é clave polo peso do turismo na economía.

Comercio e Transporte en Galicia

O comercio

O comercio en Galicia é un sector moi importante que emprega moita xente e gran parte da economía.

Comercio interior

Nos últimos anos sufriu unha transformación. As tendas tradicionais perderon peso fronte a supermercados e grandes centros comerciais.

Comercio exterior

Galicia exporta automóbiles, produtos alimentarios… Os principais destinos son Francia, Portugal, China, Italia, Alemaña e Estados Unidos.

Importacións

Inclúen automóbiles, alimentos para animais, petróleo, electrodomésticos e maquinaria.

Balanza comercial

É positiva, xa que Galicia exporta máis do que importa.

A Rede de Transportes en Galicia

Transporte por estrada

A rede viaria está formada por camiños, estradas e autoestradas, influída polo relevo e a dispersión da poboación.

Transporte por ferrocarril

Sobresae a alta velocidade no Eixo Atlántico (A Coruña–Vigo) e Ourense–Santiago.

Aeroportos e portos

Galicia ten tres aeroportos internacionais (Santiago, Vigo e A Coruña). Conta con cinco portos de interese xeral (Ferrol, A Coruña, Marín, Vilagarcía e Vigo).

Impacto Ambiental do Transporte

Alta contaminación atmosférica

• O transporte xera o 30% das emisións de gases de efecto invernadoiro.
• Especialmente contaminantes son os vehículos con motor de combustión.
• Emítense tamén outras partículas e gases nocivos (CO₂, NOx,..).
• O transporte aéreo é o máis contaminante por quilómetro por persoa.

Alteración de hábitats e paisaxes naturais

• As infraestruturas (estradas, vías..) rompen ecosistemas e afectan á fauna e á flora.
• As grandes infraestruturas causan unha transformación na paisaxe.

Atascos e contaminación acústica

• Nas cidades, o tráfico provoca atascos que xeran estrés.
• O ruído dos vehículos e dos barcos afecta a persoas e animais.

Verteduras e residuos sólidos

• Os buques petroleiros poden sufrir un accidente e provocar verteduras causando un gran dano na vida mariña.
• A fabricación e uso dos vehículos xeran residuos sólidos.

O Impacto do Turismo

Efectos económicos

• Positivos: Xera emprego directo e indirecto; impulsa o comercio e os transportes; importante fonte de ingresos.
• Negativos: Especulación inmobiliaria; suba dos prezos; emprego estacional e substitución doutras actividades económicas tradicionais.

Efectos ambientais

• Positivos: Axuda a conservar espazos naturais e a valorar o patrimonio paisaxístico.
• Negativos: Turismo masificado pode degradar o medio: perda de biodiversidade, aumento de residuos.

Efectos socioculturais

• Positivos: Promoción e conservación das culturas locais.
• Negativos: A poboación local pode verse obrigada a emigrar pola suba de prezos.

O Turismo na Axenda 2030

O turismo é clave para acadar varios dos Obxectivos de Desenvolvemento Sostible da Axenda 2030, xa que:

• Reduce a pobreza e a fame e mellora a saúde e benestar.
• Impulsa a educación e a formación profesional.
• Promove o apoderamento das mulleres.
• Mellora as infraestruturas públicas.
• Axuda a preservar o patrimonio cultural e natural.
• Reduce a fenda económica e social entre países.
• En países fráxiles ou corruptos, pode impulsar accións pola paz, seguridade e xustiza.